Nagapreparar naman ang gobyerno sa halit nga matuga sang Bagyo Opong kun sa diin hugot na ang mga pagpaandam sa CALABARZON kag Metro Manila bangud apisar nga insakto lamang ang pag-ulan, posible nga magtuga sang pagbaha kag landslide sa mga lugar nga madugay na nga ginaulan.
Suno kay Defense Secretary Gilberto Teodoro, indi lamang makusog nga hangin ang mabatyagan kundi pati pag-ulan.
Ginalauman nga maapektuhan sang bagyo ang Northern Samar, Samar kag Sorsogon.
Samtang, ginmanduan naman ni President Ferdinand Marcos Jr. ang mga otoridad nga mas pasanyugon pa ang preparasyon para sa ginalauman nga pagbaskog ni Bagyo Opong.
Sa ginpatigayon nga meeting sang National Disaster Risk Reduction and Management Council (NDRRMC), ginpakigbahin sang representative sang nagkalain-lain nga ahensya ang ila mga initiatives sa pagresponde sa mga panginahanglanon sang mga naapektuhan nga lugar.
