Liwat nga napuno sang tubig ang main crater sang Taal Volcano matapos ini ginpaidalum sang Philippine Institute of Volcanology and Seismology (Phivolcs) sa Alert Level 3 sang weekend.
Sa Twitter, makit-an ang video sang tubig nga nagaflow sa main crater lake matapos ini ang nagmala sang 2020 matapos ang eruption sang bulkan.
Una na nga gin-eksplekar sang Phivolcs nga ang pagmala sang suba ang posible nga indikasyon nga ang Taal ang indi pa estable.
Ginpahayag man sini nga posible nga delikado pa ang pgbisita sa mga kalakip nga areas malapit sa crater lake.
Sang Sabado, ginpaidalum sang ahensya ang Taal sa Alert Level 3 ukon magmatic unrest matapos ini nagpagwa sang malip-ot nga phreatomagmatic burst alas 7:22 sang aga.
Apisar nga wala sang narekord nga linog sa lugar sa nagligad nga 24 oras, ginpahayag ni Phivolcs director Undersecretary Renato Solidum Jr. nga ila pa gina-obserbahan ang sitwasyon kag nagpaandam nga posible pa gihapon ang eruption.
Nagatake effect naman ang Full Alert Status.// Malapit 4,000 ka mga persona ukon 1,060 ka mga pamilya ang naapektuhan sang aktibidad sang Taal Volcano matapos ang phreatomagmatic burst sang Sabado, suno sa National Disaster Risk Reduction and Management Council (NDRRMC).
