Liwat nga tinguhaan sang main opposition party sang South Korea nga i-impeach si President Yoon Suk Yeol matapos ang iya deklarasyon sang martial law.
Samtang, gin-aresto naman sang mga pulis ang defense minister in charge sang martial law operation kag nagresign ang interior minister.
Lunsay ang mga ini kag si Yoon ang gina-imbestigahan bangud sa ginaalegar insurrection.
Ginlikawan ni Yoon ang impeachment sang Sabado samtang nagapatigayon sang protesta ang madamo nga mga tawo sagwa sang parliament agud magdemand sang pagbiya sini sa pwesto.
Nagpropose ang opposition parties sang impeachment motion, nga nagakinahanglan sang 200 ka mga boto sa 300-member parliament agud mapasar apang nagboycott ang kalabanan sa mga miyembro sang People Power Party (PPP) ni Yoon nga gintunaan kun ngaa wala ini nadayon.
Suno kay Lee Jae-myung, ang pinuno sang main opposition Democratic Party (DP), sila ang magatesting liwat sa Disyembre 14.
Suno diri, sa Disyembre 14, iga-impeach sang Democratic Party si Yoon sa pangalan sang mga pumuluyo.
