Gina-enjoy sa karun sang mag-asawa nga sanday Maja Salvador kag Rambo Nunez matapos nga mabun-ag ang ila anak nga si Maria apang ang tagsa ka journey ang may yara gid sang pagtilaw.
Sa post sa social media sang Hunyo 8, ginbalikan ni Maja ang makapoy nga proseso sang pagbun-ag sang ila babayi nga anak.
Ini ang ginlakipan sang tuman nga physical challenges kag critical medical interventions, ang 30-hour labor ni Maja sa Canada ang nangin risgo sa iya ikaayong lawas.
Ginbalikan man sini ang inagyan sini nga 12 oras nga wala sang epidural, ang isa ka sahi sang pain relief nga masami ginagamit sa tion sang childbirth.
Ini ang ginalakipan sang pagbutang sang bulong sa epidural space sa spine, nga epektibo sa pagnumb sang lower body kag nagabuhin sang ginabatyag nga kasakit sa tion sang labor.
Kasunod sini, nagbun-a si Maja sa sulod sang tatlo ka oras.
Sang ulihi, ginpaidalom ini sa episiotomy kag forceps.
Ang episiotomy ang isa ka klase sang surgical incision nga ginapatigayon kun ang vaginal opening ang kinahanglan nga pasangkaron agud nga mangin mahapos ang pagbata, ilabi na sa kaso nga kinahanglan makagwa gilayon ang bata.
Matapos ang challenging birthing process, si Maja kag ang iya bana nga si Rambo ang tuman ang kalipay nga makita na nila ang ila nga bata nga babayi.
