Tuman ang kalipay sang mga Grand Prize Winners sa Grand Draw sang Swerte sa Palengke Promo 2025 sang Bombo Radyo kag Star FM sa pagbaton sang ila premyo.
Dako ang kalipay sang 82 anyos nga 1st prize winner nga si Warlito Gonzaga sang Brgy 3 Poblacion, EB Magalona sa pagbaton sini sang P30,000 nga premyo.
Suno diri, ang iya premyo ang gamiton sini pakay-o sang atop sang iya balay nga naguba bangod sa bagyo.
Suno pa diri, may yara na siya sang inugbayad sa mga utang sini para sa pang-adlaw adlaw nga pagkaon.
Si Gonzaga nagdaog sa proof of purchase nga Birch Tree.
Dako ang pagpasalamat sang 2nd prize winner naman nga si Nida Bantigue sang Purok Amaliz 1, Brgy 40, Bacolod City sa pagdaog sini sang P15,000.
Suno sa 63 anyos nga tagdaog ang kwarta nga iya gamiton iya ipabalon sa iya mga apo kag ibakal sini sang bugas kag mga kinahanglanon sa sulod sang balay.
Si Bantigue nagdaog sa proof of purchase nga Bioderm.
Plano naman sang 3rd prize winner nga si Susanita Macabebe sang Sitio Paradise, Brgy Rizal, Silay City, nga gamiton ang P10,000 nga iya nadaogan para sa pagpa CT scan kag bakal sang bulong bangod may ginabatyag na ini nga sakit.
Suno sa 69 anyos nga tagdaog, tuman ang iya kalipay bangod sa karun wala sila sang kwarta nga magamit gastohon bangod ang manugpangisda ang iya bana kag wala ini anay nagpalawod bangod sa bagyo.
Siya nagdaog sa paggamit sang proof of purchase nga Efficascent oil kag siya magabaton sang P10,000.
