Padayun pa nga ginabantayan kun sin-o ang magadaog sa US Presidential Elections.
Ang subong nga tuig nga eleksyon amo ang ginakabig pinakadikit nga Presidential Elections kag halos indi mapaktan kun sin-o ang mangibabaw sa piniliay.
Isa sa ginabantayan amo ang swing states nga ginalakipan sang Pennsylvania, North Carolina, Georgia, Michigan, Arizona, Wisconsin, kag Nevada.
Ang magamay nga banwa sang Dixville Notch sa New Hampshire, amo ang pinakauna nga nagcast sang vote kun sa diin parehas nga tatlo ka boto ang nakuha sang Demorats kag Republican.
Ang New Hampshire, ang estado nga pinaka-una nga nagabukas sang eleksyon sa sulod na sang anom ka dekada.
Sa 50 ka estado sang America may ara sang kabug-usan nga 538 ka mga electoral college.
Kinahanglan nga makatipon nanday Democratic candidate Vice President Kamala Harris kag Republican candidate former President Donald Trump sang tig-270 electoral votes.
Sa inisyal, ang mga estado nga nagapabilin ang leaning sa Democrats ang yara sa 226 votes, gani 44 nalang ang lalagson samtang 219 naman ang ginakabig secured votes sang Republicans, gani sila ang magalagas pa sang 51 ka boto gikan sa swing states.
Apang sa karun may pila naman ka estado nga kaangay nga indi maseguro kun mapabilin sa ila leaning kag mahimo nga magflip.
Ang duha ka kandidato ang nangin masako sa ila nga pagpangampanya kag paghaylo sa mga pumuluyo sa pito ka swing states nga sa ila magboto.
Agud malab-ot ang 270 votes ang ginalagas sang duha amo ang 19 votes gikan sa Pennsylvania, 16 sa North Carolina, 16 sa Georgia, 15 sa Michigan, 11 sa Arizona, napulo sa Wisconsin kag anom sa Nevada.
