Mga Ka-Bombo kag Ka-Starnation, sa amun ika 55th Founding Anniversary, nangin madinalag-on ang pinakauna sa kasaysayan sang broadcast media sa Pilipinas, ang pagpanagtag sang Bombo Radyo Philippines sang 3,200 nga mga radio sets sa bilog nga pungsod, adlaw-adlaw, oras-oras may radyo kag cash sumugod July 5-11, 2021.
Yari ginapakita namun sa FB Live ang mga malipayon nga nawong, pangalan kag lugar sang linibo ka mga maswerte nga nagdaog sang mga limited edition commemorative radio sets sa sulod lamang sang bilog nga isa ka semana.
Ang pag-angkon sang Espesyal nga Radyo nga may 55th Anniversary Sticker ang magahatag sa mga maswerte nga tagdaog sang bag-o nga kaupod kag kaagubay agud magmag-an kag makatibawas ang ila pagpangabuhi sa tunga sang pandemya.
Ang 3,200 nga mga limited edition commemorative radio sets nga nagabalor sang 3.2 million pesos ang hugot sa tagipusuon nga pagpasalamat sang Bombo Radyo Philippines sa 55-anyos nga wala sang untat nga pagsakdag sang amun pinalangga nga mga tagpalamati kag sa subong nga may mga tumalan-aw na sa amun broadcast kag digital platforms.
Gani, naggikan sa No. 1 Radio Network in the Country, sa ngalan sang amun President & Chief Executive Officer, Ms. Margaret Ruth C. Florete, kami diri sa Bombo Radyo kag Star FM ang nagapasalamat sa masobra ciento tres mil (103,000) nga mga nagpasakop, nakisadya kag nagpakigbahin sa amun isa ka semana nga Bombo Birthday Celebration!!!
Congratulations sa mga mapalaron nga 3,200 nga mga entry senders nga nabunotan kag nagdaog sang radyo kag cash sa bilog nga pungsod.
Sa karun, yara na sa inyo ang pribiliheyo nga mag-enjoy sa pagpamati sa mga programa sang Bombo Radyo kag Star FM.
