Madasig nga naglapta online ang makatalandog balatyagon nga estorya sa kabuhi ni Dr. Pratik Joshi nga nagpuyo sa London sa sulod sang anom ka tuig nga kalakip sa mga biktima sang paghugpaas sang passenger plane sa India kaupod ang iya pamilya.
Nahibaluan nga putoy-putoy ang pagtrabaho ni Joshi agud masaylo ang iya asawa kag mga kabataan halin sa India agud maka-upod na niya sa London.
Pagkatapos sang mga tinuig nga paghulat para sa nagakaigo nga mga pahanugot, ang handom ang iya gid man kuntani nga matuman.
Nagliligad nga inadlaw lamang, ang iya asawa nga si Dr. Komi Vyas ang nag-resign sa iya trabaho agud mag-upod sa iya bana kag mga kabataan sa London.
Gin-empake nila ang ila mga bag kag naglisensya na sa ila mga pamilya kag mga abyan sa India.
Sang Huwebes sang aga, Hunyo 12, 2025, ang pamilya sang lima, nga puno sang paglaum kag kasadya, ang nagsakay sa Air India flight 171 padulong sa London.
Nag-selfie pa sila kag ginpadala ini sa ila mga himata.
Apang lipod sa ihibalo sang ila himata, sa amo nga tion, nag-crash ang eroplano kag sa 242 ka sakay sang passenger plane isa gid lanang ang nakaluwas.
