Make-up classes, ginatun-an nga patigayunon agud mabawi ang learning losses bangod sa mga class suspension

Ginakonsiderar sang mga buluthuan ang pagpatigayon sang make-up classes agud mabawi ang learning loss sang mga estudyante.

Ini bangud sa suspension of classes nga gintuga sang malain nga tiyempo kaangay sang habagat kag mga bagyo Crising, Emong kag Dante.

Suno kay Education Secretary Sonny Angara, dako ang madula sa mga estudyante kun indi ini matigayon.

Ginatugyan naman sang ahensya sa mga buluthuan ang paagi sa pagbawi sa oras, kaangay sang dugang nga oras sa klase ukon Saturday classes.

Kaangot sini, liwat nga ginpasiguro sang DepEd nga ila man ginakonsiderar ang mga schedule sang mga manunudlo.