Gintindugan sang Malacañang nga legal kag may nagakaigo nga quorum ang nangin session kag pagpili sang bag-o nga liderato sa Senado sini nga Miyerkules, gamit ang nangin desisyon sang Korte Suprema sa maragtason nga kaso sang Avelino vs Cuenca.
Suno kay Palace Press Officer Undersecretary Claire Castro, nga may kaangay naman nga scenario nga natabo sang 2015 sa idalom sang pamunuan ni former Senate President Franklin Drilon kun sa diin gingamit man ang nasambit nga doktrina.
Ginklaro ni Castro nga sa idalom sang layi, ang mga Senador nga “beyond coercive reach” ukon indi pwede nga pwersahan nga ipa-atubang sang Sergeant-at-Arms.
Kun sa diin ang mga nakadetain ukon indi makita, ang ginabuhin sa kabug-usan nga numeroi agud makuha ang husto nga basehan sang majority.
