Ginpahayag sang Malacañang nga iga-exhaust sini ang tanan nga legal remedies matapos nga ginreject sang court of appeals sang Timor Leste ang request sang gobyerno nga i-extradite si expelled congressman Arnolfo Teves, nga nagapangatubang sa karun sang kaso kriminal sa Pilipinas.
Suno kay Palace Press Officer Claire Castro, sila ang magabato tubtob sa ila masarangan para sa ginaalegar mga biktima.
Si Teves ang nagapangatubang sang multiple murder cases may kaangtanan sa kamatayon ni late Negros Oriental governor Roel Degamo kag iban pa nga indibidwal sang 2023.
Siya ang gin-aresto sa Timor-Leste sang Marso sang tinalikdan nga tuig.
Gin-anunsyar sang Department of Justice sang Hunyo nga ang extradition request sang Pilipinas ang gingrant sang gobyerno sang Timor-Leste.
Sang Huwebes, ginpakita ni Atty. Ferdinand Topacio ang litrato sang isa ka court document nga unanimously nagagrant sang appeal sang kampo sang anay mamalidha.
