Nagpahanumdum ang Malacañang sa mga kandidato nga sundon ang layi kadungan sang pagsugod sang local campaign period.
Suno kay Palace Press Officer Undersecretary Atty. Claire Castro, panugyan sini sa mga kandidato nga indi maglapas sa layi bangud sila ang magaserbi nga lider gani sila ang dapat magpanguna sa pagsunod sa layi.
Nagpahanumdum man ini sa security forces nga magpabilin nga apolitical sa karun nga election season.
Suno sa iya, indi sila dapat magpagamit sa politiko kag sa balatyagon bangud trabaho sang mga ini ang magpabilin nga loyal sa pungsod kag sa Konstitusyon.
Sa una nga adlaw sang local campaign period, nagpatigayon ang Commission on Elections sang “Oplan Baklas” ukon paghukas sang mga illegal campaign materials.
Suno kay Comelec chairperson George Garcia, madamo sang namonitor ang mga otoridad nga mga campaign materials nga nagalapas sa guidelines.
