Gin-athag sang Malacanang nga nagresign si anay Environment Secretary Roy Cimatu sa iya post bangud sa health reasons kag indi bangud sa mga alegasyon sang korapsyon.
Suno kay acting presidential spokesman Martin Andanar, nagpagwa pa sang statement ang Malacanang nga nagalaom sang maayo nga ikaayong lawas para sa anay environment chief.
Gindayaw man ni Presidente Rodrigo Duterte si Cimatu sa nangin madinalag-on nga transformation kag clean-up sang Boracay kag Manila Bay.
Suno kay Andanar, wala sang kamatuoran ang mga alegasyon nga imbolbado sa korapsyon si Cimatu.
Ang ini nga pahayag ni Andanar ang matapos ginpahayag ni Duterte nga iya ginpahalin sa pwesto ang pila ka miyembro sang iya Gabinete sa isa ka meeting kaupod ang mga opisyal sa Lapulapu City.
Gin-acknowledge naman ni Duterte ang nagbulos kay Cimatu nga si acting Secretary Jim Sampulna antes ginpahayag nga ginpahalin sini ang tubtob sa anum ka mga miyembro sang Gabinete bangud sa ginaalegar korapsyon.
