Nagapati ang Malacañang nga wala sang dapat kahangaw-an sa ikaayong lawas ni former President Rodrigo Duterte, sa pihak sang mga report nagikan sa iya pamilya nga tuman ang iya pagniwang samtang yara ini sa The Hague.
Suno kay Palace Press Officer Claire Castro, santo sa statement sang anay asawa ni Duterte nga si Elizabeth Zimmerman, apisar nga nagniwang si Duterte, daw kaangay yara ini sa maayo nga kahimtangan.
Mismo ang Presidente ang naghambal nga “okay” siya kag wala naman ini naga-inom sang maintenance medicine.
Ginpahayag man ni Vice President Sara Duterte nga maayo ang kahimtangan sang iya amay.
Nagpasalig ang Malacañang nga nahatagan sang nagakaigo nga medical attention si Duterte samtang yara sa The Hague kag siya ang indi pagpabay-an samtang nagapangatubang sang kaso sa International Criminal Court.
