Nagpamalibad ang Malacañang nga maghatag sang komento sa pinakaulihi nga mga tirade ukon tirada nga ginhimo ni anay President Rodrigo Duterte batok sa administrasyon ni President Ferdinand “Bong-bong” Marcos, Jr..
Ini matapos nga ginpangayuan sang komento ang Presidential Communications Office (PCO) sa pahayag ni Duterte may kaangtanan sa sentimyento sini sa mataas nga presyo sang bugas.
Liwat man nga gin-akusaran ni Duterte si President Ferdinand “Bongbong” Marcos Jr. nga nagagamit sang iligal nga droga.
No comment, ini naman ang sabat ni PCO Acting Secretary Cesar Chavez.
Kadungan sang pagtambong ni Duterte sa proclaimation rally sang PDP Laban sa Club Filipino liwat sini nga gintirada ang Presidente .
Nahibaluan nga sang Enero 2024, gintawag man ni Duterte nga “bangag” si Marcos kag pagkasunod nga bulan, ginbawi niya ini kag ginpanindugan nga wala niya gin-akusaran si Marcos nga nagagamit sang iligal nga droga.
Sang ginpamangkot sang iya reaction, ginpahayag ni Marcos, “I think it’s the fentanyl.”
