Ginpasiguro sang Malacañang nga yara sa maayo nga kahimtangan si First Lady Liza Araneta Marcos sa tunga sang pagkalakip sang iya pangalan sa pagkamatay sang negosyante nga si Paolo Tantoco.
Suno kay Palace Press Officer Claire Castro, nakahibalo ang First Lady kun ano ang kamatuoran sa likod sang issue.
Indi man kuntani luyag sang First Lady nga padakuon pa ang issue bangud ang focus sang administrasyon amu nga mapakita sa publiko ang trabaho sang Presidente kag ang matuod-tuod nga serbisyo para sa pungsod.
Sa baylo, kuntani nga magkahangawa ang mga persona nga padayon nga nagapalapta sang peke nga impormasyon agud maguba ang Presidente kag ang administrasyon.
Nagpanindugan naman ang Palasyo nga indi magpatinag ang administrasyon sa karun sa tunga sang mga kaangay nga taktika sang pagpangguba.
