-- ADVERTISEMENT --
Ginsabat sang Malacañang ang pahayag ni Vice President Sara Duterte nga ang Pilipinas ang padulong na sa basurahan.
Suno kay Palace Press Officer Undersecretary Atty. Claire Castro, si Duterte mismo ang missing ukon wala sa Pilipinas sa karun.
Madumduman nga nagpahayag ang bise-presidente sa The Netherlands nga sa karun dapat nagapasanyog ang Pilipinas apang daw kaangay nga nagatrabaho ang pungsod padulong sa basurahan.
Sabat naman ni Castro, mas mangin malala ang sitwasyon kun ang mangin Presidente ukon pinuno sang pungsod ang mga kaangay ni VP Sara nga mas ginauna ang magpadulong sa abroad, magserbi sa isa lamang ka persona, apisar nga amay niya ini, apang madamo nga mga Filipino ang nagaasa sa iya bilang bise-presidente.
