Ginpahayag sang Malacañang nga indi dapat malapawan sang “utang na loob” ang mandato sang gobyerno nga i-uphold ang rule of law.
Ini matapos gincriticize ni Davao City Mayor Sebastian Duterte si President Ferdinand Marcos Jr. sang weekend bangud sa pagkaaresto kay former President Rodrigo Duterte.
Ginhatagan sang otoridad ni Marcos ang pag-aresto kay Duterte kag pagtransfer sa International Criminal Court, suno kay Mayor Duterte, apisar nga ginpahanugutan sang 79-anyos nga anay Presidente ang burial sang amay ni Marcos sa Libingan ng mga Bayani sa iya termino.
Suno kay Palace Press Officer Claire Castro, nagapasalamat si Marcos Jr. sa iya predecessor bangud sa ginhimo sini sa iya amay.
Apang wala ini nagapatimaan nga indi na sini pag i-uphold ang layi ukon magsunod sa commitments sang pungsod sa International Criminal Police Organization ukon Interpol, nga nagserbi sang warrant of arrest sang anay Presidente.
