-- ADVERTISEMENT --
Padayon nga iduso sang Pilipinas ang soberanya sini sa West Philippine Sea (WPS) sa pihak sang panawagan ni Senator Rodante Marcoleta nga buy-an na lang ang Kalayaan Island Group (KIG) sa Palawan.
Suno kay Palace Press Officer Undersecretary Claire Castro, magapadayon ang administrasyon sa pagpakigbato sa polisa kag indi pagbuy-an ang ano man nga bahin sang teritoryo sa foreign powers.
Sa Committee on Appointments (CA) hearing sang Myerkules, ginpahayag ni Marcoleta nga dapat buy-an na sang Pilipinas ang Kalayaan Island Group bangud tuman ka layo sang features sini sa exclusive economic zone (EEZ) sang pungsod.
