Ginpahayag sang Malacañang nga wala ini sang tinutuyo nga panason ang memorya sang EDSA People Power Revolution paagi sa pagdeklarar sang Pebrero 25, 2025 bilang isa lamang ka special working day.
Sang tinalikdan nga tuig, ginpahayag sang Malacañang nga wala sini ginlakip ang Pebrero 25, 2024 sa listahan sang special non-working days bangud natuon ang petsa sa Domingo nga adlaw.
Suno kay Palace Press Officer Claire Castro, wala ginapunggan sang administrasyon ang maskin ano nga organisasyon ukon institution sa pagkomemorar sang 39th anniversary sang EDSA People Power Revolution, ang maragtason kag malinong nga civil protest sang 1986 nga nagpahalin sa diktador nga amay ni President Ferdinand Marcos Jr.
Pila ka mga buluthuan kag universities ang nagsuspendi sang klase sang Martes agud magcommemorate sang EDSA People Power Revolution apisar sang kakulang sang official holiday declaration nagikan sa gobyerno agud magreflect sa importansya sang event sa maragtas sang pungsod.
