No comment ang Malacañang sa pahayag ni former House Appropriations panel chairman Zaldy Co nga si anay Senate President Chiz Escudero ang nagmando nga buhinan ang pondo sang pila ka importante nga mga ahensya sang gobyerno sa 2025 national budget.
Sa sulat sini kay President Ferdinand Marcos Jr., ginpahayag ni Co nga indi Kamara kundi Senado ang responsable sa budget cuts.
Suno kay Palace Press Officer Undersecretary Claire Castro, mas maayo nga ang Senado ukon ang mismo nga opisyal nga ginlawag ni Co ang magsabat sa alegasyon agud mangin maathag ang tanan.
Ginhighlight ni Castro nga sa karun indi pa matumod ang kamatuoran sa pahayag ni Co, ilabi na nga yara ini sa luwas sang pungsod kag wala pa nagaatubang sa publiko.
Ginpahayag man sini nga wala pa sang kumpirmasyon kun nabaton na sang Presidente ang sulat ni Co bangud wala ini naistoryahan sa sulod sang Malacañang.
