Malacañang, wala pa nakahibalo kun ano ang tindog ni President Bongbong Marcos sa Divorce Bill

Indi pa makahambal ang Malacañang kun magasuporta ukon indi si President Ferdinand “Bongbong” Marcos Jr. sa hagna nga nagaduso nga mangin legal ang divorce sa Pilipinas.

Suno kay Palace Press Officer Claire Castro, hibaluon anay sang Presidente ang kaundan sang mga probisyon sang Divorce Bill nga ginfile sa Kongreso.

Suno kay Castro, kalabanan sa mga provisions nga nakabutang sa hagna ang nalakip na sa mga basehan sang legal separation kag mangin sa grounds sang annulment.

Ginpahayag man ni Castro nga mangin ang simbahan ang nagapahanugot na sang annulment.

Apang suno sa iya, mas luyag sang Presidente nga mas pasanyuhon ang maayo nga pag-updanay sang mag-asawa para sa ikaayo sang mga kabataan.