Malacañang, wala pa sang legal actions angot sa posibilidad sang inciting to sedition sa “Zero Remittance Week” nga plano sang mga OFWs

Ginpahayag sang Malacañang nga wala pa ini nagadihon sang legal actions batok sa mga personalities nga nagahangkat sa mga overseas Filipino workers nga magpatigayon sang isa ka “Zero Remittance Week” agud magprotesta sa pag-aresto sang ICC kay former President Rodrigo Duterte.

Ini apisar nga ginpahayag ni Palace Press Officer Claire Castro ang posible nga economic impact sang kaangay nga tikang sa pungsod.

Suno diri, ang ini nga panawagan ang posible nga makit-an bilang inciting to sedition kun tinutuyo sini nga punggan ang gobyerno sa paghimo sang responsibilidad sini bangud sa epekto sang pagwithold sang remittances sa ekonomiya.

Ang mga remittances, nga direkta nga ginpadala sang mga OFWs sa ila mga pamilya, ang nagakakit-an bilang isa ka driver sang economic activity.

Suno kay Castro, sa karun, wala pa sila sang may nagakakit-an nga pasakaan sang kaso kag wala pa sila naglab-ot sa amu sina nga sitwasyon.