Ginpatpat sang human rights lawyer sa ciudad sang Bacolod nga mahimo malapas ang kinamatarong sang mga botante sa ginapropose nga hagna nanday House Speaker Martin Romualdez kag Senator Imee Marcos sa pagpostpone sang 2025 midterm elections.
Sa interview sang Bombo Radyo Bacolod kay Atty. Caesar Beloria, nakasaad sa proposed bill sang kongreso kag senado nga gin-author sang magpakaisa, nga ang ginaduso nga pagpostpone ang agud nga mas makaplano kag makapatuman sang long term projects ang mga elected officials.
Suno kay Beloria, ginaduso sang nasambit nga hagna sa baylo nga sa 2025 patigayunon nalamang ini sa 2029.
Suno diri, dapat respetuhon ang public officials nga ginpili sang mga botante, apang ginalantaw nga sa ginaduso nga hagna malapas ang kinamatarong sang mga botante sa pagpili sang public officials.
Suno kay Beloria, sa Korte Suprema mangatubang ang nagaduso sang hagna bangod sa pagquestion sang constitutionality sang layi, samtang ginalantaw man ang limitasyon sang gahom sang kongreso.
Santo sa constitution ang kongreso ang may mandato sa pagdeterminar sang term of office sang public officials kasubong man ang election day.
Mensahe ni Beloria nga masami nga panumdumon nga ang Commission on Elections ang wala nagaisol sang election day kun wala sang layi gani samtang may layi, ginarespeto ini sang COMELEC kag ini ang ipatuman.
Aminado man ang abugado nga kun dayunon ang pagduso ini ang mangin magarot, bangud sa mga patigayunon nga pagkwestyon kag diskusyon.
