Kabug-usan nga 13,067 ka displaced workers bangud sa pandemic sa probinsya sang Negros Occidental samtang 750 sa syudad sang Bacolod ang nangin benepisyaryo sang Tulong Panghanapbuhay sa Ating Disadvantaged/Displaced Workers (TUPAD) sa idalom sang Department of Labor and Employment (DOLE).
Sa interview sang Bombo Radyo kay Ma. Victoria Borines, focal person sang DOLE Integrated Livelihood and Emergency Program (DILEEP), ang TUPAD ang isa sa mga programa sang DOLE sa idalom sang Bayanihan Act.
Ini man ang contribution sang DOLE ilabi na sa karun nga may ginapangatubang ang pungsod nga pandemya kag miyembro man sila sang pagpatigayon sang Bayanihan activity.
Suno kay Borines, ang TUPAD ang madugay na nga nagaeksister bangud sang 2014 pa lang ari na ini sa idalom sang Department Order 137-14.
Sang nag-umpisa ang pandemya ini ang nakita sang ahensya nga makasabat sa mga apektado nga mga empleyado sa formal kag informal sectors.
Suno pa diri, ang mga qualified beneficiaries ang ginpaagi man sa guidelines sa idalom sang DOLE Department Order 219.
Isa sa mga criteria ang poorest of the poor kag ang nadulaan sang trabaho sa tunga sang pandemya wala naman nadala ang mga government employees.
Ang mga beneficiaries ang kinahanglan magtrabaho sang napulo tubtob 15 ka adlaw sa sulod sang apat ka oras sa kada adlaw kag magabaton ang mga ini sang P395 kada adlaw.
Gin-athag man sini nga may yara sila sang partnership sa Local Government Units kag Barangay nga nagapatuman sang TUPAD gani may yara sila sang contract of service.
Nakadepende naman sa kinahanglanon sang barangay ang ipatrabaho sa TUPAD beneficiaries.
Ginhatagan man sila sang DOLE sang Personal Protective Equipment kaangay sang buri hat kag jacket.
Ginpaenroll man sila sa Personal Accident Insurance sa sulod sang isa ka tuig.
Sa syudad sang Bacolod ginlakipan sang Barangay Tangub, 6, 7, 8, 29, 28, 4, 5, 14, 32 kag Barangay ang may yara sang beneficiaries sang TUPAD samtang sa probinsya sang Negros Occidental naman ang sa first district nalakip ang Escalante City kag San Carlos City.
