Malapit 1,400 ka mga couple, nakapalista na para sa mass wedding sa ciudad sang Bacolod sa masunod nga bulan

Malapit 1,400 ka mga couple ang nakapalista na para sa mass wedding sa ciudad sang Bacolod nga patigayunon sa Marso 3, 2023.

Sa interview sang Bombo Radyo kay Bacolod Civil Registrar Atty Hermilo Pa-oyon, 1,400 ang narekord nga couples nga ila na nahimoan sang Certificate of Marriage, nga ginahulat na lamang sa karun ang wedding ceremony.

Suno diri, ila pa kinahanglan nga ma-abot ang target nga 2,023 couples antes mapatigayon ang mass wedding.

Pahayag ni Pa-oyon, ila pagameetingan kaupod ang mga punong barangay sang siyudad kun may yara pa sang dugang nga gusto mag-avail sang mass wedding

Required naman sa mga couple nga sila ang nagapuyo sa Bacolod City, naga-edad sang 23 pasaka kag na-upod na ang partner sa masobra lima ka tuig.