Lima ka mga balay ang totally damaged kag indi magnubo sa 17 ang partially damaged sa paglabay sang buhawi sa Sitio Passing Truck, Brgy. Minapasuk, banwa sang Calatrava alas 12:30 sang udto kahapon.
Sa interview sang Bombo Radyo kay Calatrava Municipal Disaster Risk Reduction and Management Office Head Ray Suminguit, ginpahayag sini nga indi magnubo sa P200,000 ang balor sang halit nga gintuga sang buhawi nga naglabay sa nasambit nga sitio kag nagdugay sang 10 tubtob 15 minutos.
Maluwas sa mga panimalay, nakakas man ang atop kag mga bintana sang Passing Truck Day Care Center.
Wala naman sang may napilasan sa mga residente.
Suno kay Suminguit, apisar nga nagkalahukas ang mga atop kag naguba ang pila ka mga panimalay, wala ang mga pumuluyo nagpadulong sa evacuation center kag mas ginpili sang mga ini nga magtinir sa ila mga himata ukon tupad balay.
Suno diri, may yara sang bulig nga ginhatag ang local government unit sang Calatrava kaangay sang food packs para sa mga pumuluyo nga nahalitan sa paglabay sang buhawi.
