Malapit 21 mil ka mga indibidwal ang nakapasar sa January licensure examination para sa mga manunudlo suno sa Professional Regulation Commission (PRC).
Suno sa PRC, 20,811 ka mga persona ang nalakip sa listahan kag may passing rate nga 55.66 percent para sa elementary education (8,737 out of 15,696 examinees) kag 53.77 percent para sa secondary education (12,074 out of 22,454 examinees).
Nagpanguna sa eksaminasyon para sa mga manunudlo sa elementary level si Jenechielle Lopoy sang Saint Michael’s College of Laguna nga may rating nga 93.80 pecent samtang nagpangaduha si Lorelei Aunario sang University of the Philippines-Diliman nga may rating nga 92.60 percent.
Para naman sa secondary level, si Lanvin Sean De Los Santos, nga graduate sang National Teacher’s College, ang nakaangkon sang 92.80 percent nga rating kag nakakuha sang first spot.
Si Aiby Abala sang University of Mindanao-Davao City, Vince William Cabotaje of the University sang Caloocan City, kag Diane David sang Colegio de San Gabriel Arcangel ang nagpangaduha sa rating nga 92.60 percent.
Suno sa PRC, sa 8,737 ka mga elementary teacher passers, 2,678 ang first timers kag 6,059 ang repeaters.
Para naman sa secondary teacher passes, 4,652 ang first timers kag 7,422 ang repeaters.
Ang licensure exam ang ginpatigayon sang Enero 30 sa 29 ka mga testing centers sa bilog nga pungsod.
Suno sa PRC, ila lang igaanunsyar ang petsa kag venue para sa oathtaking ceremonies sang mga bag-o nga licensed professional teachers.
