-- ADVERTISEMENT --
Malapit 500 ka mga locally stranded individuals nagikan sa Cebu ang ginapaabot nga magbalik sa Negros Occidental.
Sa interview sang Bombo Radyo kay Incident Management Team Commander Dr. Zeaphard Gerhart Caelian, ginpahayag sini nga duha ka wave sang mga LSIs ang nakaboard sa karun kag natalana nga kuhaon sang ila mga tagsa-tagsa ka local government units sa Cebu.
Suno kay Caelian, ang mga salakyan sang tagsa-tagsa ka mga LGUs ang ginkarga sa barko padulong sa Tabuelan Port agud sugaton ang mga LSI bangud indi pwede nga makompromiso ang mga crew sang RORO kag shipping lines.
Samtang, ginkumpirmar man sini nga may nag-abot na nga masobra 200 ka mga LSI sa probinsya sang tinalikdan nga adlaw nagikan sa Metro Manila.
