Nagdangat na sa 4, 772 ang mga mangunguma sa probinsya sang Negros Occidental nga nahatagan na sang financial subsidy sang Department of Agriculture kadungan sang COVID 19 pandemic.
Kabug-usan nga 25,486 rice farmers ang naenroll sang Department of Agriculture sa probinsya sang Negros Occidental agud makabaton sang P5,000 nga cash assistance sa idalom sang Financial Subsidy to Rice Farmers (FSRF) program.
Sa interview sang Bombo Radyo Bacolod kay Engr. Jose Albert Barrogo, RAED Chief/ Deputy project Director sang DA Regional Field Office 6, ginpahayag sini nga may yara lamang sang allocation nga 20,488 nga mga rice farmers sa probinsya apang nalipay ini bangud nga nalab-ot na sini ang halos tanan nga mga manunguma sa Negros Occidental apisar nga naglapaw sa allocation ang na-enroll.
Suno kay Barrogo, as of May 24, yara na sang 22,995 ka mga mangunguma ang nadownloadan sang pay-out sang Land Bank kag ginalauman nga ipanagtag paagi sa tagsa ka Local Government Unit sa adlaw sang Martes.
Suno kay Barrogo, nakabaton na sang cash assistance ang syudad sang Cadiz nga may yara sang registered farmers nga 799 apang 667 pa lamang ang nakakuha; banwa sang Hinobaan nga may 123 nga registered apang 88 ang nakakuha; Sipalay City nga may 372 registered, 326 lamang ang nakakuha; banwa sang Candoni nga may 591 nga rehistrado samtang ang nakakuha 527 lang; Murcia nga may 74 nga nakarehistro samtang 65 naman ang nakakuha; Valladolid – 213 ang rehistrado apang 206 lamang ang nakabaton kag sa ciudad sang Bago – 370 ang registered samtang 363 lang ang nakabaton.
Ginpahayag man ni Barrogo nga wala nahatagan ang tanan bangud may yara sang mga nadisqualify sa validation.
Nagapasalamat man ini nga nakita nga tuman ang kalipay sang mga mangunguman sang cash assistance. Samtang, ginatarget sang Department of Agriculture nga matapos na panagtag ang cash aid sa mga qualified nga benepisyaryo sang Financial Subsidy to Rice Farmers (FSRF) program kag dapat nakaparehistro sa Registry System for Basic Sectors in Agriculture (RSBSA).
Sa interview sang Bombo Radyo Bacolod kay kay Engr. Jose Albert Barrogo, RAED Chief/ Deputy project Director sang DA Regional Field Office 6, ginpahayag sini nga sa tion nga magtaliwan ang benepisyaryo, ginarehistro nalang liwat sa registry ang anak ukon asawa sini agud masaylo ang benepisyo sang mga ini.
Ang mahimo mag-avail sang cash aid sang kutob nga mangunguma nga may yara sang isa ka hektariya nga duta panubo.
Nahibaluan nga may yara sang kabug-usan nga P3 bilyones pesos nga budget para diri kag palareho nga P5,000 ang mabaton sang tagsa ka mangunguma sa bilog nga pungsod.
Nagpanugyan man ini sa mga mangunguma nga gamiton ang tunga sang ayuda sang gobyerno sa pagbakal sang duha ka sako nga Urea ukon abono bangud may yara pa ini sang duha nga libre nga makuha sa Municipal ukon City Agricultural Office.
Ini isa man ka programa sang gobyerno nga mabuligan sang husto ang mga mangunguma
