Nagpatigayon sang isa ka rally ang grupo sang mga drivers kag operators sa ciudad sang Bacolod agud pamatukan ang plano sang gobyerno nga iphase out ang mga traditional jeeps nga gina biyahe sang mga ini santo sa pagpatuman sang modernization program.
Malapit isa ka libo nga mga katapo sang Bacolod Alliance Coalition for Operators and Drivers (BACOD) ang nag-upod sa nasambit nga rally halin sa bangga awing, plaza kag padulong sa fountain of justice sa old city hall.
Sa inteview sang Bombo Radyo Bacolod kay BACOD chairman Rudy Catedral, nangin madinalag-on ang ila ginpatigayon nga rally-protesta sa pagpakita nga padayon ang ila pagpamatok sa consolidation para sa public utility vehicle (PUV) Modernization program.
Suno kay Catedral, wala pa makalab-ot sa 30 porsyento sang drivers kag operators sa ciudad ang nakapaconsolidate.
Nagpanindugan man ini magapadayon sila nga magagahod sa dalanon tubtob sa mahatagan sang solusyon ang ila gina hingyo.
Ginpahayag man sini nga wala sang magabiyahe nga traditional jeep sa Enero kun madayon ang December 31 nga deadline kag dal-on sang mga ini ang unit sang ila nga jeep kaupod ang ila pamiya sa atubang sang Bacolod Government Center agud liwat nga manawagan.
Suno kay Rudy Catedral wala na sila nagalaom sa Bacolod City government bangud ini ang pro modernization, sa baylo nagaplano pa nga magtukod sang kooperatiba agud maconsolidate ang wala pa maconsolidate.
