Kapin P10 million nga ang balor sang mga pananum sa probinsya sang Negros Occidental nga indi na mapuslan pa bangud sa kahalitan nga gintuga sang abo nga ginbuga sang Bulkan Kanlaon subong nga Lunes sang gab-i.
Suno kay Negros Occidental Governor Eugenio Jose Lacson, nagdangat sa masobra P9.9 million ang damage sa high value crops ukon mga utan, palay, kag mais sa probinsya.
Nahibaluan nga bangud sa init sang abo, gilayon nga namala ang dahon sang mga pananom kag dalayon nalang nga nagkalamatay.
Suno kay Lacson, padayon pa ang pag-assess sang Provincial Veterinary Office sa kahalitan sang ashfall sa mga sapat sa apektado nga mga banwa kaangay sang La Castellana kag ciudad sang La Carlota.
Samtang, aminado naman si Lacson nga problema sa karun ang supply sang tubig sa banwa sang La Castellana kag ciudad sang La Carlota bangud kontaminado sang abo ang mga bubon kag mga busay.
Nagpangayo naman sang dugang nga supply bisan nakapadala na sang supply ang provincial government kag pila ka mga donors.
Suno sa local chief executive, wala sang problema sa supply sang pagkaon banghud naghatag sang food packs ang Department of Social Welfare and Development.
Sa coordination meeting sang mga local officials at Office of the Civil Defense, pinatitiyak ng OCD sa mga barangay nga siguruhon nga wala sang mga residente nga makasulod sa four kilometer radius permanent danger zone bangud nagapabilin nga Alert Level 2 ang status sang Bulkan Kanlaon.
Ginpatuman naman ang forced evacuation sa banwa sang La Castellana bangud sa peligro sang dugang pag-ilig sang lahar.
