Malapit P14 million nga balor sang ginapatihan iligal nga druga ang nakumpiskar nagikan sa duha ka lalaki sa ginpatigayon nga drug buybust operation sa San Esteban Phase 3, Barangay Lag-Asan, Bago City subong lamang nga hapon.
Ang joint buybust operation ang ginpatigayon sang Philippine Drug Enforement Group (PDEG), Police Regional Office 6 – Regional Drug Enforcement Unit (RDEU) kag Bago City Police Station-Drug Enforcement Unit.
Ang duha ka suspetsado ang ginkilala kanday Rodney Bidol, 38 anyos kag Raffy Pradilla, 28 anyos, residente sa sa Bonifacio St, Barangay 2, Silay City kag mga Street Level Individual.
Suno sa operatiba, ang natabuan sang operasyon ang isa sa pinakadako nga bagsakan sang droga sa Bacolod City kag probinsya sang Negros Occidental.
Magluwas sa iligal nga droga nga masobra duha ka kilo nga nagabalor P13.6 million, nakumpiskar man ang P100,000 nga buybust money, mga drug paraphernalia kag isa ka motorsiklo.
Ang mga suspetsado ang indi makabig nga high value individual bangod ginsugo lang ang mga ini ukon mga runner.
