BACOLOD CITY— Ginabulubanta 3.7 million pesos nga balor sang iligal nga druga ang nabawi sang City Drug Enforcement Unit (CDEU) sang Bacolod City Police Office (BCPO) sa buy-bust operation nga ginpatigayon batok sa 35-anyos nga high value target sa Barangay 33, ciudad sang Bacolod kagab-i.
Ginkilala ang suspetsado nga si Jeffrey Virgil kag tumandok sang Barangay 27, Bacolod City.
Narekober sa iya nga posesyon kag kontrol ang tatlo ka mga dalagko nga sachet sang ginasuspetsuhan iligal nga druga kag 15 ka bulto sang ginapatihan man nga shabu.
Suno sa head sang CDEU nga si Police Inspector Adrian James Albaytar nga ginapatihan man nga isa si Virgil sa mga key leaders sa gina-identify sa karon nga drug group sa ciudad sang Bacolod.
Ang suspetsado ang nahunong sa Police Station 6 samtang ginadihon pa ang kaso nga ipasaka batok sa iya.
