Malapit P600, 000 ang balor sang suspected shabu nga nakumpiskar sang mga police stations sa idalom sang Negros Occidental Police Provincial Office sa sulod sang isa ka semana halin Nobyembre 27 tubtob Disyembre 3.
Sa interview sang Bombo Radyo kay NOCPPO spokesperson Police Lieutenant Judesses Catalogo, P594,312 nga balor sang illegal nga droga ang nakumpiskar sa 19 ka buy bust operation kun sa diin nadakop ang 29 ka drug suspects kag 87.22 grams sang druga ang narecover.
Sa campaign against illegal firearms, may yara sang lima ka operation nga ginpatigyon ang NOCPPO kun sa diiin apat ka persona ang nadakpan.
Sa Armas Baylo Bugas nga programa naman sang mga kapulisan sa probinsya, anom ang nagpalapit kag nagsurrender.
Apat ka operasyon ang ginpatigayon para sa illegal gambling kun sa diin nadakop ang 17 ka suspetsado, kag sa illegal fishing naman, anom ang arestado sa anom man ka operasyon.
Samtang, naaresto naman ang anom ka most wanted individual kag 57 naman sa other wanted personalities.
