Ginpahayag sang station commander sang Bacolod Police Station 2 wala sang salabton ang mall kun sa diin napatay ang 34 anyos nga lalaki nga naglumpat sa 4th floor.
Sang Biyernes sang gab-i, naglumpat ang biktima nga si Alias John, 34 ayos, Information Technology graduate nga nagasuprer sang depression sa 4th floor sang Ayala Malls Capitol Central.
Nakita sa CCTV footage nga nagbuylo pa ang biktima kag kaangay nga nagwave sang babye antes naglumpat.
Siya ang naglisensya pa sa iya iloy nga maglagaw kag nangayo sang kwarta sa iya magulang para ipanyapon.
Sa interview sang Bombo Radyo Bacolod kay Police Major Eugene Tolentino, wala sang salabton ang mall bangod ang disenyo sini ang para sa mga shoppers.
Suno diri, ang tawo nga luyag mag-utas sang kaugalingon nga kabuhi ang makahimo sini bisan diin, kag ang mall ang wala sang kahilabtanan kun ano man ang mangin desisyon sang isa ka tawo.
Pahanumdom ni Tolentino, indi pagpabay-an nga maglagaw ang pamilya nga may yara sang ginabatyag ukon may deperensya.
