Liwat nga ginransack ang isa ka mall sa ciudad sang San Carlos, kaina kapin alas- 12:50 sang kaagahon.
Sa interview sang Bombo Radyo Bacolod kay Police Capt. Honey Labaro, deputy chief of police sang San Carlos City Police Station, naghimo sang buho ang mga kawatan sa salog nga ila gin-agyan tubtob nga makasulod sa Grace Pharmacy sa sulod sang Gaisano Capital San Carlos.
Ila ginbuka ang crystal sang botika kag gintaban ang mga kwarta.
Ginransack man sang mga kawatan ang iban ka mga kiosko sa sulod sang mall.
Suno kay Labaro, ila ginabacktrack ang CCTV footage nga nakuha sa mall kag didto may duha ka persona nga nakit-an.
Madumduman nga sang Marso 30, ginransack man ang amo nga mall.
Samtang, may ihatag naman nga reward si San Carlos City Mayor Renato Gustilo sa kun sin-o man ang makahatag sang impormasyon agud nga madakpan ang mga suspek nga nagkawat sa mall.
