un uniqueness ang pagasturyahan, wala na sang may makapierde pa sa isa ka man-og nga nakuhaan sang video nga may malaba nga sungay.
Ang man-og nga two-lined coral snake nga manami kun lantawon ang indi dapat nga palapitan kag tandugon bangod nga may yara ini sang venom, suno sa animal expert nga si Romulo Bernardo.
Suno diri kun kaisa ang pagaka-colorful sang isa ka sapat ang paandam nga dapat ini nga likawan.
Ginpakita kay Bernardo ang isa ka video kun sa diin sa isa ka forest may yara sang isa ka man-og nga nagakamang nga kaangay may duha ka sungay.
Bangod nga nagatalikod ang sapat, wala nakita ang bilog sini nga nawong.
Suno kay Bernardo, may man-og nga may yara sang gamay nga sungay nga ginatawag nga Desert Horn viper.
Apang, ang man-og sa video ang may malaba nga sungay.
Pahayag sini, wala pa ini makaagi makakita sang man-og nga may malaba nga sungay kag suno diri posible nga nakakaon sang paka ang sapat kag ang nakita nga sungay amo ang duha ka tiil sang paka.
Dugang pa sini, posible nga may amo nga sahi sang man-og apang mabudlay ini makumpirma bangod nga wala sang malapit nga kuha nga video sa sapat para mahibaluan kun ano gid man ini.
