Mismo ang chairperson sang Committee on Transportation and Traffic sa Sangguniang Panlungsod sa ciudad sang Bacolod ang nagrekomendar nga manami agyan kag makabuhin sa travel time ang paglabay sa Bacolod-Negros Occidental Economic Highway (BANOCEH).
Kun ang isa ka nagabiyahe ang maghalin sa South nga bahin sang probinsya ang mahimo mag-agi sa Barangay Sum-ag kun sa diin ang una nga malabayan ang dalan pasulod sa Barangay Cabug kag malabayan ang intersection pakadto sa Barangay Tabuanan, Bago City padulong sa La Carlota City.
Ang nasambit nga proyekto ang gin-author ni Bacolod City Lone District Greg Gasataya kag may initial budget nga P7.389 billion.
Ang construction ang ginpangunahan sang Department of Public Works Highways apang pila man ka contractors ang nag-uyat sang proyekto.
Sa interview sang Bombo Radyo kay Councilor Al Victor Espino, recommended nga agyan ang BANOCEH matapos nga siya mismo ang naglabay diri halin sa Bacolod City padulong sa banwa sang Murcia.
Suno kay Espino ang travel time sini ang nabuhinan sang kapin 20 minutos.
Ginkumpirmar man sini nga manami na ang dalan apisar nga may ginatapos pa nga bahin sini.
Suno kay Espino ang dalan halin sa Barangay Sum-ag ang magwa sa Talisay City ang maagyan nagid sa karun.
