Nagapabilin nga missing sa gihapon ang 24 anyos nga lalaki nga nadula sa tunga sang kadagatan nga sakop sang ciduad sang Cadiz, probinsya sang Negros Occidental kag Balidian Island sa Concepcion, probinsya sang Iloilo, kahapon, kapin ala- 1:00 sang kaagahon.
Sa interview sang Bombo Radyo Bacolod kay Commander Jansen Benjamin, Commander sang Coast Guard Northern Negros Occidental, ginkilala ang namissing nga amo si Leodigario Brosas kag residente sang Barangay 6A sa ciudad sang Victorias.
Suno diri, nagpangisda si Brosas kaupod ang lima ka iban pa kag samtang nagabyahe na papauli, ini ang nagakatulog sa likod nga bahin sang bangka.
Apang, posible nga nadagdag si Brosas nga wala natulupangdan sang iya kaupod kag dugang pa nga magahod ang huni sang makina nga indi ini mabatian.
Gilayon man nga nagpatigayon sang search and rescue operation apang wala sa gihapon nakit-an si Brosas.
Sa mahibaluan, siya ang nagasuksok sang itom nga jacket kag short.
Pahayag ni Benjamin, kun sin-o man ang makakita kay Brosas, magkoordinar lamang sa Coast Guard.
