Ginpasakaan na sang kaso ang mananagat nga gintiro samtang nagapanagat sa tunga sang lawod.
Ginkilala ang biktima kay Reynaldo Manlangit, 52-anyos kag pumuluyo sang Barangay Kagaykay, Barangay 2, Bacolod City.
Nagpadulong sa ospital diri sa ciudad sang Bacolod ang Iloilo Maritime Group kag nagpatigayon sang investigation, verification kag identification kay Manlangit kag gin-ako man sini nga siya ang nakapalagyo nga managagat nga ginatumod
Samtang nagapatigayon sang seaborne patrol ang Iloilo Maritime Group nakit-an si Manlangit kag ang isa pa gid ka mananagat nga naglapaw na sa area kun sa diin lamang sila tubtob makapangisda.
Apang, antes pa man madala ang duha ka mananagat sa Dumangas, gin-utod ni Manlangit ang pisi kag nalagyo kag nagpalupok sang armas-luthang.
Ang isa ka mananagat nadala sa Dumangas kag nakuhaan sang armas-luthang samtang si Manlangit naman nakabalik sa ciudad sang Bacolod.
Sa interview sang Bombo Radyo kay Police Major Stephen Boniba, pinuno sang Bacolod City Maritime Group, napasakaan na sang kaso si Manlangit nga Republic Act No. 10654 ukon “Anti-Illegal Fishing Act” kag PD 1829 ukon “giving of false or fabricated information to mislead or prevent the law enforcement agencies from apprehending the offender or from protecting the life or property of the victim”.
Suno diri, sila sa Bacolod City Maritime Group wala nagakontra sa mga mananagat basta kun legal lang ang pagpangisda.
Apang nagpasalig naman siya nga kun may yara man lang sang insakto nga pag-esturyhanay maproseso ang tanan sang insakto kag indi na maglab-ot pa sa pagpangluthang.
