Wala na sang kabuhi sang nasapwan ang isa ka mananagat nga pila na kaadlaw nga ginapangita sa Sitio Kulo, Barangay Lemery, Calatrava, Negros Occidental sang Sabado, Agosto 8.
Ang biktima ang ginkilala nga si Alyas Joel, 30 anyos, single kag residente sang ABS, Barangay Calampisawan, Calatrava, Negros Occidental.
Sa imbestigasyon, mga alas 3:50 sang hapon sang Agosto 8, si alyas Ronelo ang nagapatrolya sa lugar sakay sa iya baruto sa pagpangita sang iya utod nga ginpahayag pila na ka adlaw nga nadula.
Tubtob nga iya natalupangdan ang isa ka lawas sang tawo nga naga-utaw utaw sa tubig malapit sa baybayon.
Sang ginpalapitan nila ang bangkay, natumod nga ini ang ila ginapangita.
Ang bangkay ang yara sa karun sa Goshen Funeral Homes sa Escalante City Negros Occidental.
