Gin-anunsyar sang World Boxing nga may yara na sang mandatory sex tests para sa male kag female fighters nga luyag magcompete sa sponsored competitions.
Ang mandatory testing ang mangin kabahin na sang bag-o nga polisiya sa ‘Sex, Age and Weight’ agud masiguro ang safety sang tanan nga participants kag madeliver ang competitive level playing field para sa lalaki kag babayi.
Suno sa federation, ang desisyon ginhimo kasunod sa kontrobersiya nga hampang ni Algerian boxer Imane Khelif sa Paris Olympics sang tinalikdan nag tuig.
Sa knockout round wala na nagpadayon pa ang kontra ni Khelif bangod sa gina-alegar nga isa ini ka lalaki bangod sa makusog sini nga pwersa.
Samtang, si Khelif naman nagpadayon sa paghampang kag nakuha ang gold medal.
Ginhatag sang International Olympic Committee (IOC) sa World Boxing ang pag-organize sang boxing competition para sa upcoming 2028 Los Angeles Olympics.
Gin-inform naman sa karun ang Algerian Boxing Federation nga dapat magpasa si Khelif sang sex test antes ini pahanugotan nga magcompete sa upcoming Eindhoven Box Cup sa Netherlands sa June 5 tubtob 10.
Ang National boxing federations dapat nga magkumpirmar sa sex sang individual athletes agud ipasa sa World Boxing antes sila pahanugotan nga magcompete.
