-- ADVERTISEMENT --
Ginkondena sang gobyerno sang Venezuela ang mando ni US President Donald Trump nga pagbalabag sa tanan nga mga sanctioned oil tankers nga nagasulod kag nagagwa sa Venezuela.
Ang amo nga tikang ang ginpatuman matapos nga gin-akusahan ni Trump ang administrasyon ni Venezuelan President Nicolas Maduro bilang isa ka foreign terrorist organization (FTO) nga gina-alegar may kaangtaanan sa drug smuggling kag human trafficking.
Gindugang pa nga makapila na nga beses nga nagpatigayon ang America sang airstrike sa mga sakayang pandagat sang Venezuela nga ginaialegar nga may karga nga ilegal nga druga.
Madumduman nga sang nakaligad nga semana, masobra 30 sa 80 ka mga barko nga yara sa kadagatan sang Venezuela ang gindagdagan sang sanctions sang America.
