-- ADVERTISEMENT --
Nagahulat pa ang Corazon Locsin Montelibano Memorial Regional Hospital (CLMMRH) kun sin-o ang bag-o nga Medical Center Chief sang ospital nga idesignar sang Department of Health.
Sa interview sang Bombo Radyo kay CLMMRH Public Information Officer John Michael Gab Zaragoza, nagretire bilang Medical Center Chief si Dr Julius Drilon sang Oktubre 19, 2024 kag nangin Officer in Charge si Dr. Joan E. Cerrada nga amo man ang Chief of Medical Professional Staff.
Suno kay Zaragoza, madamo sang nag-apply para sa position apang yara sa DOH ang desisyon kun sin-o ang ila pilion.
Ila lamang ginalauman nga ang mabulos nga Medical Center Chief ang responsable sa kun ano man ang kinahanglan sang pasyente kag pagsustiner sang operasyon sang ospital.
