Wala na sang kabuhi ang isa ka lalaki nga ginalantaw nga nalumos sa baybay sa Purok 2, Barangay Saraet, Himamaylan City sang Sabado sang aga, Mayo 31, 2025.
Ginkilala ang biktima sa kay Alyas Ben, 42-anyos, lalaki, isa ka mangingisda kag residente sang nasambitan nga lugar.
Sa interview sang Bombo Radyo Bacolod kay Police Lt. Col. Mark Anthony Grande, hepe sang Himamaylan City Police Station, ang biktima ang nag-inum bangud fiesta sa katupad nga Barangay Aguisan.
Suno kay Grande ang biktima ang may yara sang mga lagob sa ulo kag sa pila ka bahin sang lawas sini nga ginapatihan ini ang gintunaan sang iya kamatayon.
Wala man sang foul play apang ang ginahibalo pa kun sin-o ang ulihi nga nakaupod sang biktima antes ini nasapwan nga nagautaw utaw sa baybay nga wala na sang kabuhi.
