Wala na sang kabuhi sang nasapwan ang 68 anyos nga managagat nga nadula sang Biyernes, sa Brgy 2A, banwa sang Manapla, Negros Occidental.
Sa interview sang Bombo Radyo kay Coast Guard Ensign Christi Anne Van Angela Baaco, Deputy Commander sang Coast Guard Nortrhern Negros Occidental, sang Biyernes, alas- 2:00 sang kaagahon naglakat para managat si Neptalie Supida, residente sang Brgy Punta Mesa, banwa sang Manapla, apang wala na ini nakapauli.
Kahapon, kapin alas- 6:00 sang aga, nakita sang 28 anyos nga si Alfred Bolivar ang motor banca ni Supida apang wala sang may nakasakay nga tawo.
Kasunod sini nagpatigayon sang search and rescue operation kag kapin alas- 7:20 sang aga, nagapangisda si Roger Kho nga sa bahin sang Brgy 2A, kag didto nakita sini ang naga-utaw utaw nga lawas ni Supida.
Ginkumpirmar man sang pamilya ni Supida ang identity sini.
