Patay ang isa ka mangingisda sa banwa sang Hinigaran, Negros Occidental matapos nga malumos.
Sa interview sang Bombo Radyo kay Police Major John Ganzon, hepe sang Hinigaran Police Station, ginkilala ang biktima kay Guanzon Muyco, 32 anyos kag residente sang Zone 5, Brgy. Tagda, Hinigaran.
Santo sa imbestigasyon, nagsalom ang biktima sa gamit ang compressor agud kay-uhon ang pukot apang naipit ini kag nautod ang hose compressor rason nga wala na nakahaklo sang hangin.
Suno kay Ganzon, posible nga nagpanic ang biktima nga gintunaan sang pagsambod sang hose sa lawas sini.
Natingala man ang upod sini gani gintsekyar nila ang biktima kag nakita nga nagakalumos.
Gintinguhaan pa nga marevive ang biktima kag gindala sa Isabela District Hospital apang gindeklarar nga dead on arrival.
