Mangunguma, nalumos matapos magpadugay-dugay sang salom bilang trial by ordeal agud solusyunan ang agaway sa duta

Ginbawian sang kabuhi ang duha ka mga mangunguma sa Alabel, Sarangani, matapos malumos sa ginpatigayon nga isa ka ritwal nga ila ginatawag ‘sulif’ ukon trial by ordeal bangud sa indi paghangpanay sa ginaagawan nga duta.

Santo sa inisyal nga imbestigasyon sang mga kapulisan, nagkasugtanay ang duha nga magpaidalom sa ritwal sa diin sila ang magpalawigay sang ginhawa sa idalom sang tubig.

Suno sa mga otoridad, ginabanta 20 minutos ang kalawigon sang duha sa idalom sang tubig.

Ginhingagaw pa dala sa ospital ang mga ini apang wala na natabangan pa.