Patay ang 48 anyos nga mangunnguma matapos nga gintiro sang liima ka wala nakilal-an nga mga suspetsado sa Brgy Marcelo, banwa sang Calatrava, kahapon, alas- 5:00 sang kaagahon.
Ang biktima ang ginkilala nga si Angelo, Dela Cruz, 48 anyos, kasado, mangunguma kag residente sang nasambit nga lugar.
Sa interview sang Bombo Radyo kay Police Major Ronald Santillan, hepe sang Calatrava Municipal Police Station, alas-12:01 sang udto na nila nabaton ang report bangod ang area sang insidente natabo sa malayo kag nabukid nga bahin.
Suno kay Santillan, nagakatulog ang pamilya sang hinali lang may nanawag sa gwa nila balay, amo nga naggwa ang biktima para tsekyaron ini.
Sa gwa nagahulat ang lima ka armado nga mga lalaki kun sa diin duha diri ang naggapos sa bitkma kag amo nga gintiro ini sa ulo.
Pahayag ni Santillan, padayon pa sa karun ang imbestigasyon sa pagtumod sa identity sang lima ka suspek kag kun ano ang motibo sa pagpatay.
